Dadengre Sub Division-ni ning∙o donggipa Phulbari-ni Feedback Energy Distribution Company Limited (FEDCO) office-ko jolo bijoliko name nirok simsakjani gimin September 11 tarikoni bijolirangko tik ong·e watja dipet chipe donatna FKJGP Chibinang Circle tik ka∙angaha.
Phulbari jolo donggipa nokdangrang 230 Voltage bijoli-rangko nanggenchimoba uamangna 120 Voltage kosan on∙engani a∙sel bijolini voltage chu∙ongjaenga. Una agreba sal wal channa ampilgija bijoli sirongengani a∙sel uamang load shedding-ni somoikon masipiljaenga aro ding·karini somoio chaktogijaniko man·rongenga ine FKJGP Chibinang Circle ni President Binoth A. Sangma parakataha.
A·jatangni MLA, AT Mondal-an Power Minister ong·genchimoba iani bidingo nirokatanirang dongja aro a·jao bijoli watanirang batesa namjabatenga ineba uamang janapangaha.
