Resubelpara C&RD Block official rang National Institute of Rural Development, Guwahati o Niti Aayog ni ong∙atgipa Aspirational Block Program (ABP) o bakko ra∙angaha. ABP ko 2023 bilsio January 7 tariko Prime Minister Narendra Modi a∙bachengate on∙angaha. Ia programko ra∙baanichi India a∙song gimiko dam 500 mangni gita nambata gadangona tang∙dona nangkuenggipa block rangko dingtangatna kam ka∙na miksonge a∙bachengataha.
Ia program o dingtangmancha ma∙mong aro a∙dok sorkarini bang∙a scheme rangko namdapatna block level Nodal officerrang baksa bakrime kam ka∙na miksonganiko chanchirimangaha. Unbaksana block skarang baksa susae nambate kam ka∙gipa block rangko chugipa mande ra∙gnini gandangrangko on∙anganiko dakangna miksongangaha. Resubelpara C&RD Block dam 500 block rangni gisepo Aspirational Block Program o Garo Hills ni palo bak ra∙chenggiparangoni damsa block ong∙enga. Ia programo bak ra∙gipa block officialrang aro line department rang Leadership Development Training ko ra∙na cholko man∙angjolaha.
