Dadenggre block ni Pringprang Integrated Village Co-operative Society (IVCS) adita bosturangko tarie bading chiwalani a∙damo chu∙sokgipa ong∙angenga. Uamangni mongsongbatgipa bosturangara cashewnutni cha·ani, gulmorisni masalarangko tarie badingani aro wak jilanirang ong∙a.
Pringprang IVCS Ltd. o cashew, gue aro gulmoris rangko tarie rakkina sal ni teng∙anichi chalaigipa kolrangko bosaie ru∙utgija somoini gisepon matchotatnasiengaha ineba u·iatangaha. Una agreba gipin bolam biterang jekai e·ching, gue aro anaros rangonikoba tarie pala simanirangko aro badinganiko dakenga. Unbaksana adita somoirangna skang IVCS o mang 1500 do∙orangko chakgipa jilchakani biaprangko tarie do·o jilanirangkoba a∙bachengataha.
Pringprang IVCS Ltd. o sak 426 member rang donga aro share ge∙prako 500 ka∙e chu∙gimik 438 share rangko manderangni breanichi lakh 2.19 mang ong∙enga. IVCS ni tangka paisarangko chimonga chu∙gimik lakh 93.39 gnang aro loan koba dingtangdingtang a∙bao tangka paisarangko on∙soanirang lakh 49.03 mang donga. Unbaksana IVCS lakh 24 tangkarangko cashew, gulmoris aro gue badinganirangoba jakkalsona on∙anirangko dakenga.
