Gisiko neng∙nikaniko man∙enggiparang aro manderangni u∙ichakgijaniko chagronggiparangna dingtangmancha Tele Manas-nigita ku∙pattianirangko on∙e dakchakna miksonganiko gario re∙roroe Tura songjinmao u∙iataniko on∙angaha. Saksan ong∙e sintianirang gape dakchakaniko nange dongenggipa manderang ku∙pattianiko man∙agita 14410 numberona ka∙ate u∙iatpachina mol∙molaniko dakangaha.
Ia numberona ka∙aton uamang dingtangmancha ia kamna skia man∙giparangni ku∙pattianiko aro dakchakaniko man∙a am∙gen. Uamangona ka∙atgipa manderangni obostarangko name knae ra∙chenge dingtang dingtang cholrangko bilgrigipa manderangna agan ku∙pattianirangko on∙a dakchakanggen. Tele Manas ko English, Garo, Khasi, Pnar aro Hindi ku∙sikrangchi ku∙pattianirangko on∙gen jekon Sombar oni Sonibarona pring 10 bajioni attam 7 bajiona neng∙nikaniko u∙iatna man∙gen ine parakatanio janapangaha.
