Game ge∙e cha∙anio All India Coordination Research Project-Women in Agriculture ni bak gita Shree Anna Program ni ning∙o misi bitchilrangko sualani program ko Tura ni College of Community Science, Central Agricultural University (CAU) (I) biapo ong∙atangaha.
Ia program o Dighlapara joloni adita songrangoni game ge∙e cha∙giparang mongsongbate me∙chikmarang aro WGH ni Surunangre songni manderangba dongpae bakko ra∙angaha. Game cha∙giparang chu∙gimik sak kolatchi sokbae bakko ra∙giparangna Proso aro Barnyard misi bitchilrangko suale on∙angaha.
Una agreba ia program o misirangni be∙enna namgniko, gamchataniko, misiniko dingtang dingtang bosturangko tariani aro maikai misi bitchilrangko namgipa bewalrangchi ge∙na nangarangni bidingoba talate on∙angaha.
