Williamnagar songjinmao September 12 tariko National Nutrition Day ko gisik ra∙e DC Office ni Multipurpose Hall o programko ong∙atangaha. Ia program-ona a∙jani DC Vibhor Agarwal bako ra∙e rongtalgipa aro be∙enna namgipa cha∙a ringani bidingo ranta ka∙aniko agantalate on∙angaha. Ia program ko District Planning Office nigita ong∙atangaha.
Ia programona a∙jani dingtang dingtang skulni chatro chatrirang re∙bae gisik nangbee bak ra∙anganiko nikangna man∙aha. Chatro chatrirangna essay sesusaaniko ong∙atangaha aro nambate segiparangna certificate rangkoba suale on∙aniko dakangaha. Chegipa bi∙sarangna DC dingtang mancha uni nama skani aro katchapaanikoba on∙angaha.
