Meghalaya a∙dok NorthEast-o agri-processing powerhouse ong∙ani ramao nambegipa ja∙ku de·aniko dakanga. West Garo Hills a∙jani Babadam songo Cashew Processing Unit ba karkana ko All Garo Hills Multipurpose Cooperative Society kuliangaha.
Ia karkana-o mande sak 40 rangko kam ka∙na rakkiani cholko ra∙bagen aro salo ton 2 cashew nut rangko man∙a amgen ine u∙iataha. Iako a∙bachengatanichi wilwilao dongenggipa ge∙e game cha∙giparangna 100 tonrangoniko kg prako gong 90 oni 95 damrango bilsi gimiko palnagita dakchakanggen.
