Re∙anggipa sorkarirangni nangchongmotgipa kamrangko nikchange donanggenchimoba, MDA sorkari a∙dokni dingtang dingtang neng∙nikanirangko namdapatnagita rakbee kamrangko ka∙enga ine NPP-ni Advisor D.D Lapang aganparakataha.
Skanggipa changna ma∙mong sorkarini Minister rang chonchongipa songrango neng∙nikanirangko am∙sandie nirokangna re∙baanirangkoba ia chango an∙ching nikna gita ma∙nangaha. Ian MDA sorkari ni a∙dokni silroro namroroanina gisiko nange kam ka∙enganiko aro dingtangatani cholrangko ra∙baanikoba nikna gita man∙enga ine ua janapangaha.
A∙doko niam reti rangko ja∙rikanirangoba namdapanirangko nikna gita man∙enga aro ia kamrangchin a∙dokni naljokanina aro tom∙tomanina kam ka∙anio namdapanirangkoba mikkangchina niksamsoe ka∙dongsonagita man∙enga ine Lapang aganangaha.
