Kajia-golmal ong∙ronggipa Jaintia hills a∙jao donggipa sima-ari biapko nichangani bidingo June jani 14 tariko Meghalaya aro Assam, Joint Regional Committee tom∙aniko, State Convention Centre Shillong o dakangaha.
Ia tom∙anio Meghalaya ni Deputy Chief Minister Sniawbhalang Dhar aro Assam ni Cabinet Minister Piyush Hazarika mongsonggipa ong∙e asonge chanchirimangaha. Sima-arini bidingo gnigipa changna golpogrikani cholrangko sandianggen aro committee dolgnini member rang biapona re∙ange nirok sandianiko dake adita ja ni ja∙mano parakataniko dakanggen ine Sniawbhalang Dhar kobor ra∙timgiparangna parakataha.
