Mijal salni bako South Garo Hills a·jani District Animal Monitoring Committee (DAMC) Baghmara bajaro be·en bitinrangko pale sim·e cha·giparangna awareness program ko ong·atangaha.
Ia program-o be·enrangko pale sim·e cha·giparangna batanggimin salrango be·enrangko a·palo ba bangbanggipa biaprango done paljachina Meghalaya High Court ni ge·etgimin niamo pangchake ong·atangaha. Meghalaya High Court be·en bitinrangko palanio, bangbanggipa biaprango dongija, bosturangko chipe donchakna tarigipa bosturango chipe palchina ge·atangaha.
Ia programo Baghmara ni Food Safety Officer Kasanchi M Momin, District Veterinary Officer Dr. Hilney B Marak, Animal Husbandry & Veterinary Officer Dr. S R. K Marak, ARO Planning ni C R. Marak aro gipin officialrang bakko ra·e agantalate on·angaha.
