September 13 waljatchimang somoio class 11 o poraienggipa bilsi 20 ong·gipa me∙chik bi∙sako uni ripengskarang baksa ringe cha∙e an∙senge romitingo, walni somoio nirokgipa pulis dolrang chu botolchi uni skoo dokaha ine u∙iataha. Dokako man∙gipa me∙chik bi∙sa sko o aditan bilongbee saknaaniko man∙aha. Ua me∙chik bi∙sani an∙chirara dakgipa photorangko aro pulis dolrangko uko niamgri doka satanina matnange agananirangko social mediarango niksona man∙aha.
Iani bidingo kakketgipa a∙selrangko u∙ina am∙sandianiarangko dakenga aro doka man∙gipa me∙chik bi∙sako porikka ra∙e nianirangko dake sing·anirangkoba dakanggen ine WGH ni SP Abraham T. Sangma u∙iataha.
