Songsalko tang·doatna aro bilakbatatna Community-Led Landscape Management Project (CLLMP) District Programme Management Unit (DPMU) rang Gambegre Block office o mijal salni bako tom·bimongate chanchirimaniko dakangaha. Ia tom·anio Village Natural Resources Management Committee (VNRMC) ni President, Secretary, Gambegre Blockni BDO In-charge aro sakgittam Venture Capital Funds (VCF) ni memberrang dongpae bakko ra·angaha.
Ia tom·anio songrango man·gipa pul ba bol chararangko jawaianiko tang·doatna gita mangsonge chanchirimangaha jedakode mikkangchi ia kamrangko ka·e janggi tangnagita chol ong·gen. Ia kamrangko a·bachengataniara bangki dongenggipa Utilization Certificate (UC) rangko ia jani 30 tarikni gisepo matchotatna miksongani ong·a ine parakataha.
Tom·anio mongsonggipa chanchianggipa katta bichongrangara VNRMCs ge·antion UC rangko on·a, bank ni passbook rangko name niangna, songsalo namgija obostaoniko naljokatna, Forest Management Plan rangko nipiltaina, je tangka paisa dongachi nosto ong·giminrangko taridapna, songantini tangka paisarangko sandie see rakkina aro songsalna mikkangchini namgnina buring bolgrim chiring chibisik rangko ripingna didianiko on·agita chanchirimanirangko dakangaha.
