Autumn session ko September 15 tariko a∙bachengatani salo a∙dokna adita nangchongmotgipa bill rangko parakangaha. Ia bill rangara Captain William Sangma University (Amendment) Bill, Rajitlal University (Reapealing) Bill, Goods & Service Tax (Amendment) Bill, Meghalaya Lokayukta (Amendment) Bill, Legislative Assembly of Meghalaya (Members’ Pension) (Amendment) Bill, Meghalaya Medical Council (Amendment) Bill aro National Law University of Meghalaya (Amendment) Bill rang ong∙a.
Una agreba a∙dokni nangchongmotgipa kamrangni bidingo re∙baenggipa antio daito ga·akgipa Cabinet Minister-rang agantalate on∙anganiko dakanggen. Skanggipa salo adita dilgiparangni salbongana dongimin somoi nangchongmotgipa kamrangni bidingo chanchirimna chu∙ongja ine salko on∙dapna dabianina Deputy CM Prestone Tynsong, Business Advisory Committee (BAC) nigita salprako konta gittamko on∙dapna ja·ku de·aniko parakangaha.
