Da∙al salni bako West Garo Hills a∙jani Extension Training Center Tura, Dakopgre-o ‘Ku∙mandi Kotok’ dolrang skanggipa changna tom∙bimonganiko ong∙atangaha. Ia tom∙bimonganio A∙chikkuko mikkangchi nambata gadango ge∙songe ripingangna aro ku∙tangni gimaangenggipa kattarang, kamrang aro daka rika bewalrangko ripingnagita dangdike on∙angna miksonge ong∙atangaha.
‘Ku·tangni Matgrik, Jatni Danil’ ine uamangni dikdiksana dongipa dolni bimingkoba da·al salni tom·anio ‘Ku·mandi Kotok’ ine mingjitangskaaha. Ia tom∙anio President ni kamko jako ra·e kamko ka·na Purno K. Sangma ko seokangaha aro Vice President ni kamna Vickyrose N. Sangmako seokangskaaha. Apsan daken Arcosh M. Momin ko Secretary ni biapna seokanganiko dakangaha aro Treasurer ni biapna Salning R. Sangma ko seokangaha.
