Tura Sardar Division ni ning·o National Food Security Act (NFSA) aro Non-NFSA ni gita Superintendent of Supply, September jana merongrangko watatmanaha ine pilak Antyodaya Anna Yojana (AAY), Priority Household (PHH) aro Non-NFSA o man·a kragipa a·jani manderangna West Garo Hills ni Deputy Commissioner (Supply) u·iataniko on·ataha.
Tura Sardar Division ni ning·o ong·gipa pilak Fair Price Shop (FPS) ko jako ra·e palenggiparang dongimin niamo pangchake sualna aro dongimin damo palna nanggen ine u·iataha. AAY aro PHH ni ning·o chamatgipa merongrangko AAY ni gita nokprakna japrako kg 35 ka·e aro PHH ni gita japrako sakprakna kg 5 dake dam gri sualna nanggen ine u·iataha. Unbaksana Non-NFSA ni ning·o, merongrangko card ge·prakna japrako kg 7.1075 ko Price Vigilant Committee ni dongimin damo palchina aro kg prako gong 13/- na bate paljachina FPS rangna tik ka·e on·angaha.
