Meghalaya Cricket Association (MCA) ni bilsi 19 ni ning∙o ong∙gipa me∙asarangna ong∙atenggipa cricket kal∙susaanio East Garo Hills DCA 19 run rangchi North Garo Hills DCA ko amataha. Ian EGHDCA ni susaanio gnigipa changna cheani ong∙enga. EGHDCA skanggipa dokchenganiko dake over 23.4 o 137 run rangko tariaha. Lensbirth Marak 53 run rangko man·e ia susaanio bang∙bate dokna man∙giparangoni saksa ong∙angaha. Thunthun Marak 39 run rangko man∙e uamangni dolna NGHDCA ni kosako run rangko tarinagita dakchakpaaniko on∙aha.
NGHDCA doloni robol gogiparangoni Dorith Marak 4.4 over o 44 run rangko on∙e chu∙gimik sakbri wicket rangko ga∙akataha. Fraidian Momin aro Chongkam Marak doltangna sakgniprak wicket rangko ga·akatangskaaha.
NGHDCA dolrang 23.1 over o 118 run rangkosan man∙e chu∙gimik wicket rang ga∙ake EGHDCA baksa kal∙anio sirikna nangaha. NGH doloni Rituraj 37 run aro Dallang Sangma bon∙kamao dokna re∙bae 24 run rangko man·e doltangna dakchakangaha. Uamangni nambee doke on∙anggenchimoba EGHDCA ni tarigimin run rangona sokdojae chena man∙jaha. EGHDCA doloni Gulgul Sangma over 5 o 8 run rangkosan on∙e chu∙gimik wicket 4 ko ga·akatenba NGHDCA na namen neng∙nikaniko on∙angaha.
Ge∙gipin zone ni Umbuda Nongpoh-o kal∙susaanio East Khasi Hills DCA rang West Khasi Hills DCA baksa kal∙anio WKHDCA chegipa ong∙angskaa. Apsandaken da∙al salni bako Umbuda kal∙chakramo Ri-bhoi DCA baksa EJH DCA aro Salpara kal·chakramo South Garo Hills DCA baksa Tura District Cricket Association (TDCA) susaaniko dakangskagen.
