South Garo Hills a·jani Chokpot Budugre songo niamgri ro∙ong bikotaniko dontongatchina FKJGP, AHAM, GSMC aro AYWO dolrang, mijal salni bako SGH ni Deputy Commissioner ko gronge chittiko on·angaha.
NGO dolrangni agananigitade saksa contractor jean kamrangko ka∙nagita jako ra∙gipa Alpha Marak drae niamgri ro∙ongrangko bikote jakkalenga ine u·inagita man·aha. Unbaksana ua an∙tangni namgnina Nokma rangni lekka pancharangkoba tol·e tarie jakkalenga ineba u∙iatangaha.
Ia obostarangko champengnagita NGO dolrang batanggipa March jani 14 tariko jegalaniko daknagitaba dingtang dingtang ja∙kurangko de∙e kamrangkoba ka∙angaha ine parakataha. Niamgri ro∙ong bikotanirangko re∙baenggipa sal somoirango dontongjagenchimode NGO dolrang raka ja∙kurangko de∙anggen ineba agandapangaha.
