Baghmara songjinmao Karukol songni Community Hall o Meghalaya Early Childhood Development Mission (MECDM) ni gita noko bijak song·na changgiparang aro gisiko nanggiparangna Recipe Contest ba bijak song·susaaniko September 28 tariko 10 bajioni ong∙atna tik ka∙angaha.
Ia susaanio song·na channa gisik nanggipa magipa, pagipa, buchima, budepa aro chadamberang bakko ra·nagita man∙gen aro susaaniko dakna noktangtangon song·e ra·banagita man∙ gen ine u∙iatangaha. Ia susaanio dingtang dingtang bi·sarangna bilsi gadangni kri bijakrangko song·e ra·banagita nanggen jeon ja 6 oni bilsi 1, bilsi 1-2, bilsi 2-3, bilsi 3-8 ona ong·gen aro iron bang·bate donggipa bijakko song·ani gadangba donggen. Unbaksana bilsini gadangprako sak 3 manderangsan bakko ranagita man∙aigen ine koborna u·iataha.
