A∙doko aro a∙jarango namgijagipa kamrangko ka∙aniko am∙sandianio dakchakna dingtang mancha tarigipa “I-Cube solutions” ko bikotgipa Mahendra Reddy Gudduru, North Garo Hills a·jani SP office ona re·bae, i-Cube solutions ni software ko jakkale Call Detailed Record (CDR) ko nipiltaiani kamrangko ka∙ani bidingo pulis station ni Officer rangna mijal salni bako skie on·angaha.
I-Cube solutions ni software rangko bang·a departmentrang jekai Law & order police, Crime Investigation, CBI, NIA, Railway police, Forest, Income Tax departmentrang nirok sandianiko daknagita jakkalenga. Pulis dolrangni ia software ko jakkalna nangchongmotaniara uamangni am·sandianiko dakani somoirango manderangni mobile ka·e golpogrikanirangko nipiltaie nengrae u·inagita dakchakanian ong·a.
