Biodiversity Conservation Organisation, Aaranyak-ni ong∙atgipa training workshop o ‘Village Champion’ aro nokmarangna mande aro mongmani janggi tangrimbaaniko altuae ma∙sibatatna skie on∙aniko Bondukmali songo Village Cooperative Society WGH o ong∙atangaha. Village Champion dol songni manderangna mande aro mongmani janggi tangrimbaaniko songantio skie on∙gipa dol ong∙a aro Aaranyak dolni British Asian Trust (BAT) baksa bakrime kam ka∙anio uamangba jak dongpaa.
Aaranyak uamangni project rangko Assam aro WGH a∙jao Photamari, Bondukmali, Borogobal aro Jamdangre songrango ong∙atangaha. Ia biaprango mande aro mongmani nanggrikani 2013 bilsirangonin ong∙baengachim. Ia biapni Village Champion aro nokmarang dingtang dingtang jatrang jekai Garo, Rabha aro Bodo bakko ra∙angaha. Ia workshop o adita Aaranyak dolni dilgiparangni skie talate on∙anikoba nikangna man∙aha ine koborko man∙soaha.