Mijal salni bako a∙dokni Meghalaya Early Childhood Development Mission ni dolrang North Garo Hills a∙jao Bajengdoba Block ni ning∙o donggipa Anganwadi Centre rangko nirokaniko dakangaha. Ia nirokanio Child Development Project Officers (CDPOs) aro Block Technical Assistant baksa nangrime Anganwadi Centre rangko chalaiani aro bi∙sarangni dal∙droaniko namdapatna uamangni dang∙dike on∙ani bidingo nirokanirangko dakangaha.
Block ni ning∙o bang∙a Anganwadi Centre rang nosto ong∙e ba galchipe dongenggiparang gnang jeon centre rangoni mongsongbate Bakenang Songma AWC aro Bakenang Nalsa AWC nirok simsakgijaniko man·e namen nosto ong·e dongenga ine u·inagita man·aha. Ia dam gni centre rang namjabatsranggipa ong·ani gimin ta∙rake taridapanirangko dakna nangenganina re∙ange nirokaniko dakangaha.
