Gitcham MSCW ni Chairperson, Phidalia Toi ko ra∙galaniko sakki gnangsa dakaha ine Social Welfare Minister, Paul Lyngdoh kobor ra∙timgiparangna parakataha. Toi, uamangni gamchatbegipa commission-ni tom∙anirangko watchangasan ong∙aigija, batanggimin salo a∙dokni assembly election o bak ra∙ahani a∙selo, uko name poraichengesa ia ja∙kuko de∙aha ine ua agandapaha.
MSCW-ni dilgiparang iani bidingo raken jegalaniko dakate uko ra∙galaniara niamni a∙palo ong∙a ine uamangni namnikgijaniko parakangskaaha.
