West Garo Hills a∙jao, India a∙songni G-20 Precidency-ni gita June 12 oni 15 ona ong∙atenggipa Jan Bhagidari program-ko, Tura Dakgopgre SMELC building-o mejal salo matchotataha.
Ia program-ko Tura, West Garo Hills, SSA District Mission Coordinator dakdilangaha. Ia program-o Tura ICFAI University-ni Advisor Viola Sonatchi B Sangma mongsonggipa sokgipa ong∙e bakko ra∙angaha. Education Department ni gita, bi∙sarangna nambate aro altue skie on∙na man∙a gita sorkari dingtang dingtang cholrangko a∙bachengate on∙angaha, unbaksana bi∙sarangko namao dal∙roroatna Child Centric Education Systemko nanga ine Sangma jinmana parakataha.
Da∙ororo chatro chatrirang porikkarangko seanio aro interview-rangko mikkang paana gita English kusik name dake ski∙e ra∙na gita nangchongmota ineba ua chratro chatrirangko didiangaha.
Ia programmeko ong∙atani bon∙chotgipa sal-o dingtang dingtang kal∙anirang jekai golpo agansusaanirang, Quiz, Poedo agansusaanirang, Teaching Learning Material exhibition uarangko ong∙atangaha aro uano chegipa chatro chatrirangna boksisrangkoba sualangjolaha. Apsandaken ia Programme ko a∙dokni dingtang dingtang biaprangoba ong∙atangaha.
