Durama College ni National Service Scheme (NSS) dolrang National Voluntary Blood Donation Day ko gisik ra·e mijal salni bako tangka paisa nanga gri an∙chi on∙chakaniko dakangaha. College ni ia namgipa dakdilanio Tura Civil Hospital Blood Bank, Meghalaya AIDS Control Society aro State Blood Transfusion Council bakrime chu∙sokgipa ong∙atna dakchangaha.
Ia programko dingtang mancha ‘Give blood plasma, share life share often’ katta bichongko mikkango done ong∙atangaha. College ni bang·a chatro chatrirang darangni didianiko man∙gija an∙tangtangni an·chiko jajaagri on∙anganiko nikangaha. Ia somoini bako chatro chatrirangna nanggipa skie on∙anirangko aro an∙chi on∙gilanichi manderangni janggiko naljokatna bil amaniko skieba on∙angjolangaha.
College ni skigiparang sing∙anina aganchakengon iako ong·atanichi bi∙sarangko daitotangko ma∙sie janggi tangna skie on∙aniba ong∙a ine janapangaha. Indakgipa ja∙kurangko de∙anichi chatro chatrirangko janggini gamchatani gimin ma·sina aro saksa sakgipinna dakchake re·mikkangna skianiba ong∙a ine college ni skigipa saksa Ku∙rongdik kobor ra∙timgipana parakangaha.
