Banggriani somoio a∙sel ong∙gnioniko naljokatna dongipa District Incident Response dolrangni dakna nanggnigipa kamrangko ranta ka·e nianiko October 12 tarikni 9 bajio dakangna tik ka·angaha. Ia ranta ka∙anirangko West Garo Hills Tura songjinmani dambonga biaprango chongmotan DC office, Maternity & Child Hospital, Super Market, Government Girls Higher Secondary School aro Gonga Damal gittimo dake niangna manchie donangaha.
Apsandaken South West Garo Hills a∙jaoba Ampati DC office o dakangna tik ka·angaha. Iani bidingo Turani Deputy Commissioner aro DDMA ni Chairman Jagdish Chelani October 5 aro 6 tarikrango Incident Response dolrangna Tura Circuit House-o skie on∙anggen aro agantalatanirangko dakanggen ine u∙iatangaha. Songdongenggipa manderangko ranta ka∙ani somoio kenjagokjachina Tura aro Ampati ni Deputy Commissioner rang u∙iataniko on∙angaha.
