Batanggimin bilsi bongao ka·anggimin kamrangko dontongatgija mikkangchi gitalgipa nanggnirangna kamko ka·nagita, Deputy Commissioner aro Civil SDO rangna da·al salo Shillong o Conference ko ong·atangaha. Ia conference o Chief Minister Conrad Sangma dongpae chanchirimanio bakko ra·angaha.
Ia conference ko a·dok gimikni manderangna dangdike on·aniko nambatatna aro neng·nikanirangoniko naljokatnagita officer rangni bakrime chanchie ku·pattianirangko man·a miksonge ong·atangaha. Ia tom·aniona sokbagipa sakanti ku·cholsan ong·e ‘Plan 10’ jekon Meghalaya a·dokni gitalgipa bak o kamrangko ka·na mongsongbate manderangni janggi tangani gadangko tang·doatna, nangchongmotanirangko on·a, rika cho·anirangko namdapatna aro private sector baksa bakrimnagita tik ka·angaha.
Block oni district gadangona Meghalaya ni Sustainable Development Goals (SDGs) rangko namdapatnagita SDG Meghalaya ki·tap koba ia conference-o chapa ka·e a·bachengataha. Unbaksana sorkarini kamrangko manderangna somoigita sokatna aro scheme rangko nambata gadango ka∙e on∙a miksonge DC Connect koba ia tom∙bimonganio a·bachengatangaha.
