Meghalaya High Court aro Meghalaya State Judicial Academy a·dokni pulis dolrang baksa nangrime mijal salni bako High Court-ni auditorium-o workshop-ko ong·atangaha. Ia worshop ko pulis dolrangni am·sandianirangko aro nalis ka∙anirangko bilakbatatna miksonge ong∙atangaha.
Ia workshop ko criminal justice system aro criminal procedure code ni on∙gimin niamrango pangchake Supreme Court aro High Court ni rai nigita dosi dakgipa manderangko niamni ning∙o kraagita bichal ka∙e on∙ani bidingo chanchirimaniko dakangaha. Meghalaya High Court-ni Chief Justice Sanjib Banerjee mongsonggipa sokgipa ong∙e adita workshop ona sokbagipa manderang baksa chanchirimaniko dakangaha.