Tura-oni Dalu-ona re∙gipa National Highway rama Jenggitchakgre o da∙al pringni bako naptomaha ine koborna parakataha. Ia ramani naptomani japang ja·dilara jolo songdongenggipa manderang a∙ba cha·na ba me·su samjakrangko ge∙nagita bol wa∙arangko den·e nisiatani ba so∙ani a∙sel aro chiko wate galna nalarang dongjani a∙sel mikka chirang name dake jokangna gita man·jae rama naptomaona sokaha.
Ia ramani naptomani mongsongbatgipa a∙selara buring bolgrimrangko nisiate aro a∙arangko mangrake rakkiatgipa bolni ja·dilrangko pike galani giminsa ong∙aha ine Public Works Department ni officialrang parakataha. Me·su samjakrangko ge∙na gita a∙barangko dakani a∙sel mikka waa changantion a∙arang pangchakani dongjae chi baksa nengrae man·pakangani gimin indakgipa obostaona sokaha. Unbaksana ia a∙arang Nokma Aking ni ong∙ani gimin uamangni a∙ba dakaniko champengna gita man∙ja ine Technical Engineer janapangaha.
A∙a ruronganiko aro rama naptomaniko champengna gita me·su samjakrangko ge∙a gamanio mikka chirang waani somoio a∙arang rurongatgija rakkina man∙agita geotextile ba plastic ko jakkale pingripe don∙ananiko dakchina gita Engineer didianiko dakataha.
