Da∙al salni bako Tura Hawakhana o PHE department ni rama ning∙agita ra∙gipa chi watgipa siltong nosto ong·ani a·sel ramarango chi jokbrake donganiko nikna man∙aha. Tura songjinmao PHE department ni nirokgijanichi bang∙a biapon chirang jokprake donganiko nikronga aro uamangni indake galchipe donanichi ramarang nosto ong∙aonaba soka.
Una agreba Tura Dakopgre jolo chi chimongchakramoni joksuake sorok jolona sokbaanichi ramarangko nosto ong∙atenga aro re∙ruragipa manderangnaba neng∙nikaniko on∙enga ine koborna parakataha. Ia ru∙utbea somoirangonin apsan obostarang ong∙enga jekon department oni maming kam ka∙agri galchipe donaniko nikenga. Songdongenggipa manderang uamangni nokdangona chi chu∙ongagita man∙jae ia ramarango chi joksuake donganiko nike ding∙chaoe suk ong∙gijanikoba parakangaha.
