East Garo Hills a·jao District Planning Office, “Understanding Ecosystem for Health and Well-being” katta bichong o pangchake District Level Children’s Science Congress ko adita skulrangna mijal salni bako ong·atangaha. EGH a·jani adita skulrang ia susagrikna tom·ani programo donsogimin katta bichongo pangchake an·tangtangni changa sapaniko jakkale science project tarigiparangko mesokangan baksa tarigimin bosturangni bidingo talateba on·angaha.
Bakko ra·gipa skulrangoni Junior category oni Educere Higher Secondary School skanggipa biapko man·e cheangaha aro gnigipa biapko Sacred Heart Higher Secondary School man·angskaaha. Apsandaken senior category oba Educere Higher Secondary School skanggipa biapko man·angaha. Gnigipani biapko Loyola Higher Secondary School aro gittamgipa biapko Rongrenggre Model School man·angskaaha.
Ia susaanio chegipa skulrangna certificaterangko on·angaha aro seokako man·gipa skulrang November jao ong·nasienggipa State Level Science Congress o susaagrikanio bakko ra·angna cholko man·anggen ine parakataha.
