Da∙alo June 5 tarik o, World Environment Day ko Tura Public School Eco-Club, Gillian Memorial Hall Tura Public School, Chitoktak o maniangaha. Ia 2023 World Environment Day ko “Solutions to Plastic Pollution” ine chongmotan plastic ni namgijaniko naljokani cholko sandiani ine done maniangaha.
Ia dal∙begipa manianio Tura Public School aro Tura Polytechnic ni wilwila biaprango bolrangko ge∙anikoba dakangaha. Adita chatro-chatri rang ni dakmesokaniko aro school ni padot ni agananikoba nikangaha.
Deputy Commissioner, Jagdish Chelani mongsonggipa ong∙e maniao bakko ra∙angaha unbaksana Pa Ashaseel D Shira, Sadhana Forest Group ni manderang bakko ra∙angpaaha. Ia tombimongani miksonganiara an∙chingni biaprangko tangchapilatani, bolrangko ge∙ani, cha∙ani ringanina aro chiko jakkalanio simsakani, namdape janggi tangani cholrangko am∙ani bidingrango dakangaha.
