South Garo Hills a·jani Chokpot jolo Kakija bajar oni Asakgre ona 2014 bilsioni tarinagita a·bachengatgipa ramako da·onaba matchote on·kujani gimin jolo songdongenggiparang Contractor ni kosako suk ong·gijaniko Ku·rongdik na parakataha.
Jolni manderangni agananigitade, ia ramako tarina gita PMGSY ni ning·o 2014 bilsion napatgenchimoba da·ona kingking ia ramako matchote on·agita man·jaengani gimin salantio re·ruragipa manderangna namen neng·nikaniko on·enga ine janapataha. Una agreba Asakgre songo donggipa Nokpante, Dombe Wari, Renang Dare aro jolni dingtang dingtang tourist biaprangko nina songrebagiparangnaba namen neng·nikanirangko on·engani gimin jako ra·e kamko ka·enggipa Contractor ko ta·rake tarie on·chinagita didiangaha.
Wilwilao dongenggipa manderangna ia neng·nikanioni naljokatnagita chugipa gadango donge kam ka·giparangko nikrokatchina gita mol·molanikoba dakangaha.
