A∙dok sorkarini kamna ra∙napna tarigimin gitalgipa Office Memorandam ko Khun Hynniewtrep National Awakening Movement (KHNAM) ni General Secretary Thomas Passah kusi ong∙gijaniko parakataha.
Uni aganani gitade, gitalgipa Office Memorandam o, kamna ra∙napani bidingo batanggimin bilsini May 10 tarikoni nirokpiltaianiko dakgen ine pilak political party ni tom∙bimonganio ku∙rachakgimin ko, ia memorandam o mamingkoba janapani dongja aro Khasi-Jaintia aro Garo na dongimin backlog reserved ni gimin janapgipa para B-6 o donggenchim ong∙oba adita gitcham Memorandum ni bakrangkode den∙gale galanirangko nikna man∙aha ine ua janapataha.
Roster System ko 1972 oni nitaipilgenchim ong∙ode maming saloba mikkangchina dingtanganiko ra∙bana man∙jawa aro, unbaksana ia gitalgipa Memorandum o, State Reservation Policy 1972, para 2 aro 3 o janapani gita jemangkon kolgapgija gipa biapo kamna ra∙gatani gnangchim indiba iarangni bidingode janapanian dongja. Uni gimin ia gitchamgipa niamrangko dondime taridapgipa Memorandum ko chinga ra∙chakna man∙jawa ineba ua agandapangaha.
