National People’s Party-ni dilgipa saksa aro Cabinet Minister Comingone Ymbon, re·baenggipa Khasi Hills Autonomous District Council aro Jaintia Hills Autonomous District Council-ni pu·onanio Voice of People’s Party (VPP) biap ge·samangoba chejawa ine aganangaha.
Bang·bata Khasi aro Jaintia Hills a·jani manderang VPP dolko ra·chakna man·gijaniko nikna man·enganian uamang re·baenggipa pu·onanio chena amjawa ine u·isonagita man·enga. Re·baenggipa Khasi aro Jaintia Autonomous Council pu·onanio NPP an chegipa ong·na ka·dongsoenga ine Ymbon aganangaha.
MDC na pu·onanio NPP dol VPP mangmang baksasan susaaijawa indiba UDP, Congress, BJP dolrang baksaba susanasienga. Indake ong·genchimoba da·odipet a·dokni manderang NPP dolnan chakpaanirangko on·enga aro re·baenggipa pu·onani somoioba NPP chegipa ong·na ka·dongsoenga ine Ymbon aganangaha.
