Mijal pringni bako sak gittam milsi pena re∙anggipa manderang sokbapilkujani gimin West Khasi Hills, Maweit ni ning∙o Sdad Dylla jolni Wah Blei chio sripe siahakon ine chanchichipe am∙sandianiko dakna a∙bachengataha.
Gimaenggipa manderangara Shillingbest Langrin(40), Kmenlang Nonglang (28), Hubert Marthong(41) jean Maweit songoni ong∙achim aro uamangni milsi pemitingo rang∙san chi dal∙baaha ine kobor on∙timgiparang parakataha. Ua sak gittam gimagiparangko am∙sandianiko dakchina gita District Search and Rescue Team (SRT) ko West Khasi Hills ko dilenggiparang dakchakchina mol∙molataha aro am∙sandianio maming kobor dongkujaenga ine parakataha.
