Chokpot jolni adita NGO dolrang jekai, Garo Student Union (GSU), CAVC, AYWO, FKJGP, AHAM aro GSMC dolrang bakrime Chokpot Community Health Centre (CHC) ona October 24 tariko re∙ange nirokeaniko dakangaha. Ia nirokeanio CHC ni dal∙batgipa dilgiparang baksa dingtang dingtang neng∙nikarangni bidingo aganchanchirimaniko dakangaha. Ia chanchirimanio sanchakram biapo sanna bannaniko daknagita dangdike on∙giparangni chu∙onggijaniko, bijolina neng∙nikanirangko man∙engani bidingo aro chi watanirango chu∙onga gita man∙gijani bidingo CHC ko nirokenggipa janapangaha. Unbaksana sanchakram biapko taridapanirangna tangka paisarang sokujani gimin aro ambulance garirang dongkujani a∙sel neng∙nikanirangko man∙enga ine janapangaha.
Ia neng∙nikanirangko niate Chokpot ni adita NGO dolrang ku∙monge kam ka∙angna aro Chokpot Community Health Centre-ko namdapatna officer rang baksa golpogrike kam ka∙na ja·ku de·na mangsongangaha.
