South Garo Hills Baghmara pulis thana ni ning·o ong·gipa Darit Asim songo da·al pringni 9:40 bajimango Bolero Pickup ML 09 A 6500 number gari bolsa a·sel ong·aha ine koborna parakataha. Ia gario chu·gimik sak 14 manderang gadogipaoni sak 11 manderang adita saknaaniko man·aha.
Ia gariko Siju Rongkenggittimni Prodip R. Sangma, Sijuoni Darit Asim songona salangengmiting somoio a·sel ong·gitikaha. Ramarang a·slanggipa aro re·togijagipa ong·anichi gariko salenggipa uni bilni a·palo ong·e man·chakrikjae bikpilaha ine u·iataha. A·sel ong·anio saknaa man·gipa manderangko Baghmara Civil hospitalona sanna bannaniko dakna watataha ine koborko on·ataha.
