1. Ma∙achiko chatchi channa,
Chinga A∙chikde jatde;
De∙mechikko noko donna,
Nokko nirokriknade.
2. Daka rika bewal donga,
Skang intal A∙chikde;
Wata chenga jakma minna,
A∙chik pagitchamrangde.
3. Aman ku∙ko ripingnasa,
Mol∙molenga chingade;
Jatko tange rakkinasa,
Dabienga A∙chikde.
4. Mongsonggipa jat-an ong∙a,
North East Indiaode;
A∙king gore nokma donga,
Chinga A∙chik jatde.
5. Jatni niam reti donga,
Skangonin A∙chikde;
Sason ka∙a songo noko,
Jatni niamko jakkale.
6. Garo Khasi jatgni,
Songdonga meli nangrime;
Man∙paaha Meghalayako,
Apsan ku∙monge kam ka∙e.
7. Bilsi sotbonga badeaha,
Meghalaya state ong∙aoni;
Aiao! namen ru∙utaha,
Jatni mol∙molaoni.
8. Sorkariba knapabo,
Jatni mol∙molaniko;
8th schedule-o ra∙napabo,
Chingni A∙chik kusikko.
