Da∙al salni bako, Khasi Hills Autonomous District Council (KHADC) ni Monsoon session-ni skanggipa salo, NPP ni MDC, Bajop Pyngrope ni United Democratic Alliance (UDA) ni kosako No-Confidence Motion ko ra∙gatanio KHADC ni CEM Titosstarwell Chyne ama cha∙e, UDP dolni re∙dilenggipa KHADC-ni Executive Committee be∙gruaha.
No-confidence motion na chu∙gimik EC sak 17 mang chakpaaniko on∙aha, uanoni NPP oni sak 11 aro congress oni sak 6 mang gnangchim. CEM ni gadangna seokaniko June jani 20 tariko ong∙atanggen ine Council ni Chairman, Lamphrang Blah aganangaha. Nomination ni lekkarangko ra∙chakaniko aro nianganikoba da∙alan dakanggen ine ua u∙iataha.
Mawryngkneng ni MDC, Pyniaid Sing Syiem, CEM-ni gadangna susana nomination ni lekkarangko on∙anikoba dakangaha. Chyne ni agananio NC ko ra∙gatanio NPP dolko cha∙bokgipa ine aganangskaaha.
