Punjab a∙dokoni biap nina songrebagipa saksa South Garo Hills ni damsa mingsinggipa biap Wari Chora ona re∙ange burungo brange dongako man∙pilaha ine koborna parakataha. Wilwilao donggipa songni manderang ru∙uta somoirangna am∙sandianiko dake mikal walni 8 bajimango buring ning·tuaoniko man∙epilaha.
Ia biapchina re·anggipa ramarang dingtang dingtang bakrangona dakanggipa dongani gimin dilsretaniko man∙ronga aro burungrang namen diltuani gimin jajaaniko man·a altua. Ia a∙selrangoni biap nina re∙anggipa manderangko naljokatna man∙agita songni manderangoni re∙dilgilpako rimna nanganiko u∙iatronga. Unbaksana Wari Chora ko nina nambatgipa somoira November jaoni April jarangona ong∙a ine u∙iatanikoba dakangaha.
