Re·baenggipa November jani 17 aro 18 tariko, Tura Motorsport Club (TMSC) dolrang, Bilgaro 4 wheel Challenge ko ong·atangna tik ka·aha. Ia susaanio a·bri ramarangko re·ani aro ta∙rake salna namnikgiparangna Anogre oni Aguragre ona salani donggen ine TMSC dolrang parakataha. Bak ra·giparangko uamangni changa sapanio, mangrake baikamanio aro bikerango pangchake tosusaaniko dakanggen.
Skanggipa salo km 13 mang ong·gipa Anogreoni adimu gnanggipa ramarangko salatanggen, jeon gnigipa salo Aguragreni km 6 mang a·bri ramarango saldoataniko dakatgen.
Iako ong·atenggipa TMSC dolrang uamangni office o 2023-24 bilsio kam ka·nagipa manderangkoba seokangaha ine koborna parakataha.
