Re∙anggipa salo Tura songjinma Praharinagar oni 200 Battalion BSF sipairangoni commandant saksa R N Mishra Nokrek national Park o gimagipako man∙pilaha ine koborko parakataha. Uni gimaani koborko man·a bakan walni somoio konta 8 mangna brange dongaoniko am·sandianiko dakgipa dolrang maming saknaa gri uko nike naljokatna man∙aha.
Koborko man·soani gitade Commandant Mishra, biaprangko mesoke on·gipa songni manderangko rimgija uni sipairang baksa Nokrek National Park ni buring diltuachina napangaha ine parakataha. Adita somoirangni ja·man gimaenggipa Commandant ko sandinagita dolrangko tarie walon am·sandianiko dake uko wal 10 bajini somoio kilometre 7 mang chel·gipa buring ning·o Matcha Nokpante oniko man·epilaha.
