GHADC ni CEM aro Deputy CEM Adolescent Development Projectni bidingo officerrang baksa chanchirima

Da∙al salni bako GHADC ni CEM Albinush Marak aro Deputy CEM Nikman Marak sorkario kam ka∙gipa officer-rang baksa Meghalaya’s Adolescent Development Project ni bidingo chanchirimaniko dakangaha. Ia chanchirimanio a∙jani bilsi 10 oni bilsi 19 ni ning∙o ong∙enggipa bi∙sarangni dal∙roroanio dakna nanggnigipa kamrangni bidingo aganchanchirimaniko dakangaha.

Meghalaya’s Adolescent Development Project ni miksonganiara UNICEF ni ma∙mong sorkari baksa a∙songni dal∙rorobaenggipa bi∙sarangna a∙songni niam retiko ma∙sie pilak dakna rikna nanggni kamrango bakko ra∙na gita ka∙dongataniko on∙a jaku de∙ani ong∙a. Apsan dake ia project dal∙drobaenggipa bi∙sarangni bewalko, poraie skie ra∙anio, be∙enni an∙seng baljokanio, cha∙ani ringanio nirok sandie kam ka∙angna mangsongenga.