Garo Students Union (GSU) Chokpot Regional Unit, Chokpot oni Baghmara ona gital tarienggipa ramako nirokangaha. Ia gitalgipa ramako tarinagita namgipa bosturangko jakkaljaengani a·selo ta·raken ramarang nosto ong·aigen ine songni manderangni badi ka∙doani gimin ua jolni GSU dolrang tarienggipa ramarangko nieaniko dakangaha.
Ia ramako tarigipa contractor, ro∙ong annanirangko aro ramako reppianirango name kam ka∙jaha ine nirokani somoio u∙inagita man∙aha ine GSU dolrang parakataha.
Uamangni agananigitade ia ramako tarinagita CCL company na a·dok sorkari pakwataha ine janapataha. Ia kamrangko jako ra∙e nirokenggipa dolrangko tarienggipa ramako nirokechina aro ramako tarienggipa contractor ni kosako niamo pangchake sing∙sandianirangko dakchina GSU dol mol·molangaha.
