South West Garo Hills a∙jani Purakhasia, State Highway (SH)-12, Dalu, Tura aro Purakhasia gita re∙gipa Darong dollong jean salanti aro walanti ro∙ongrangko Bangladesh-ona salruraengani a∙selo bilonggen nosto ong∙atenga ine Niksamso Garo Community Organisation (NGCO) dolrang parakataha.
Indake ramarangni nosto ong∙ani a∙selo salanti ia sorokko re∙ruraenggipa jolni manderangna, skul chatro chatri rangna aro salanti bazar anti re∙gipa manderangna namen neng∙nikaniko man∙tokengaha. Ro∙ong salgipa garirang salantian nangana batpile gatprete salani a∙selo, rama jal∙ang nosto ong∙engaha ine NGCO Purakhasia Unit-ni Chasrang M Marak uni suk ong∙gijaniko parakataha.
Indake NGCO Purakhasia Unit, District Administration aro a∙dok sorkariko ro∙ong sale nosto ong∙gimin rama jal∙angrangko ta∙rake taripilchina mol∙molataha.
