Batanggimin salrangni bako ACHIK Krima Council jeon President, Working President, Public cum Organizing Secretary, Education Secretary aro Co-Chairman na Organizing Secretary Chekran R. Sangma nigita maming u·iatani gri Krima Council ni bidingo chanchirimaniko daksrukani gimin uko uni kamoniko dikdiksana ra∙galataha.
Ua chittio janapanigitade Chekran ko organizing committee ni bak ong·aoniko dikdiksana ra∙galna u·iataniko dakangaha. Batanggimin salrango uni ACHIK dolna dangdike on∙anio maming matnangani dongjagenchimoba, da∙alo uni dakgimin kamko niate Council ni dongimin niamko pe∙e kam ka∙ahanina kamoniko dikdiksana ra·galna uni kosako ja∙kurangko de∙e uko kamoniko dikdiksana ra·galna nangaona sokaha ine ACHIK dolni President Thomas M. Marak parakataha.
Indakgipa obostarang ong∙engon neng∙nikanirangko man∙genchimoba chakchike pilak sing∙sandianirango aro am∙sandianirango bakrimpachina aro mai a·selni gimin ua ia kamko ka·angahani bidingo u·iataniko on·china committee nigita una cholko on·anggen ine ACHIK ni President u·iatangaha.
