NEHU Tura Campus ni INTACH Meghalaya Chapter aro English Department PRIME Meghalaya baksa nangrime mongolbar salo ku∙sik minggni ko srange aganani bidingo Garo Cultural Heritage-o ong∙ate chanchirimaniko dakangaha.
Ia tom∙e chanchirimani miksonganiara, A∙chikrangni daka-rikani ja∙pang ja∙dil banoni ong∙baaha uko manderangna u∙iatrorona, ma∙sigipa manderangni agantalate on∙anian ong∙a. Ia agantalate on∙aniara skanggipa A∙chikrangni daka-rikanio jekai nokkromko noko donani, a∙kingni Nokma ong∙ani, Nokpante aro Wangalani gimin aganangaha.
Ia tom∙aniko social media-o manderangna dakmesokgiparang, entrepreneurs, dingtang dingtang kamrangko changgipa sapgiparang aro daka-rikanio bakko ra∙giparang ni namgnina ong∙ataha aro sak 60 mangna batpile gisik nanggipa manderang online register ka∙aha aro mittam rang tom∙gipa biapon register ka∙e bakko ra∙angaha.
