South West garo Hills a·jani Bangladesh sima ari jolni Kawahagra songo, da·al pringwalni bako buringoni jaksa mongmarang nok ge·sako chadrape adita nosto ka·an baksana me·chikma saksa bilongbee saknaaniko man·angaha ine koborna parakataha.
Ua mongmarang Bangladesh oni India ona cha·anirangko am·rorobae napaengmiting somoio, pringwalni 5 bajimango Kamarpara jolona napbae 7 bajimango Kawahagra songni Wajing Momin ni nokko chadrapaha ine a·jani officialrang u·iatangaha. Wajingni nokko mongmarangni chadrapani somoio, uni demechik Faidila Momin babilsio song·e chanengmiting somoio ong·e saknaako man·aha jekon sanna bannaniko daknagita Ampati Civil hospitalona ra·angaha ine parakataha. Ua mongmarang da·onaba jolon dongkuenga ine songni manderangni u·iatako man·e, wildlife department baksana pulis dolrang biapona dariangaha ine a·jani DC R P. Marak u·iatangaha.
A·rankarini somoi ong·ani gimin mongma jakrang Bangladesh aro India-ona re·rame cha·anirangko am·roroani a·selo Garo Hills o manderang baksa chagronggrike a·sel ong·ronga ineba u·iatangaha. Ia bilsini gisepo Garo Hills o mongmarangni chadrapani a·selo sak 4 manderangni janggi gimaangaha jeon saksa BSF ba apsan obostani a·sel siangaha.
