Re·anggipa December 23 tariko 01 BSF Bn chel·chakgipa sipai dolrangni nirokanichi Bangladesh a·songchina chini badingangenggipa Bolero Pick-up bolsako India aro Bangladesh sima ario SGH a·jani Rongra song sepang joloniko rim·na man·aha. Uamangoni sakgittam India a·songoni aro saksa Bangladesh-oni ong·a ine koborna parakataha.
Bangladesh a·songoni rim·a man·gipa mandeko Mohammed Shamim minga jean Netrakona a·jaoni Gobindpur songo dongenggipa ong·a. Unbaksa Garo Hills oni rim·a man·gipa manderang Baghmara Arapara-oni sakgni Amorjit Hajong, Ramakey R. Marak aro Sanbana Rongra songoni Engling Sangma ong·a. BSF dolrang uamangni rim·a man·gipa bosturangko aro manderangko Rongra pulis thanaona name sing·sandianiko dakna pakwate donangaha ine u·iataha.
