January 2 tariko gital bilsiko nichaksoe kusi ong·rongbewalgita, da·al salni bako Bangsi Apal songona dingtang dingtang a·jarangni manderang re·bae katchabee chrok mesaaniko dakangaha. Ia salna Garo Hills ni sakanti Kristian rang pangnan sengsoe donge ia biapo tom·dake chrokmesaaniko dakronga.
Ia salko Bangsi Apal aro adita wilwilao donggipa songni sordar, dilgiparang aro songni manderang jako ra·e bilsiantian ong·atrongenga. Ia gital bilsina katchae maniako dakaniara mande sakantinan dingtangmancha chel·ao dongenggipa manderangko bakrimatna mingsa chol ong·a. Maniani bakona dal·a chona bi·sa desa pilak manderangan sokbae kusi ong·e chrok mesaaniko dakangaha.
